ಪ್ರತಿಪಕ್ಷ ನಾಯಕರಾದ ಸಿದ್ದರಾಮಯ್ಯ!! ಸಿದ್ದುನ ಮೊದಲ ಏಟಿಗೆ ಬಿಜೆಪಿ ಸರ್ಕಾರ ತತ್ತರ!! ಸಿದ್ದರಾಮಯ್ಯನವರಿಂದ ತಾಕತ್ತು ಪ್ರದರ್ಶನ!

ಮಾಜಿ ಸಿಎಂ ಸಿದ್ದರಾಮಯ್ಯ ಅವರಿಗೆ ಪ್ರತಿಪಕ್ಷದ ನಾಯಕನ ಪಟ್ಟ ಕಟ್ಟಿರುವುದರಿಂದ ಬಿಜೆಪಿ ಸರಕಾರಕ್ಕೆ ಚುರುಕು ಮುಟ್ಟುವುದು ನಿಶ್ಚಿತವಾಗಿದೆ. ಮೂಲ ಕಾಂಗ್ರೆಸ್‌ನ ಹಿರಿಯರ ಪ್ರಬಲ ವಿರೋಧದ ನಡುವೆಯೂ ಸಿದ್ದರಾಮಯ್ಯ ಅವರಲ್ಲಿ ವಿಶ್ವಾಸವಿಟ್ಟಿರುವ ಹೈಕಮಾಂಡ್‌ ಈ ಹೊಣೆ ವಹಿಸಿದೆ ಎಂದು ತಿಳಿದುಬಂದಿದೆ. ಇದರಿಂದ ಕಾಂಗ್ರೆಸ್‌ನಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿರಬಹುದು. ಆದರೆ, ಸಿದ್ದರಾಮಯ್ಯ ಅವರಂತಹ ಪ್ರಬಲ ಪ್ರತಿಪಕ್ಷದ ನಾಯಕ ಇರುವಾಗ ಸರಕಾರವೂ ಜಾಗ್ರತಾವಸ್ಥೆಯಲ್ಲಿ ಇರುತ್ತದೆ ಎಂದು ನಿರೀಕ್ಷಿಸಬಹುದು ಎನ್ನಲಾಗಿದೆ. ಈ ಹಿಂದೆಯೂ ಬಿಜೆಪಿ ಸರ್ಕಾರವಿದ್ದಾಗ ಸಿದ್ದರಾಮಯ್ಯ ಪ್ರತಿಪಕ್ಷದ ನಾಯಕರಾಗಿದ್ದರು.

ಅಕ್ರಮ ಗಣಿಗಾರಿಕೆ ವಿರುದ್ಧ ಹೋರಾಡಿದ್ದ ಅವರು ಬಳ್ಳಾರಿವರೆಗೆ ಪಾದಯಾತ್ರೆ ನಡೆಸಿದ್ದರು. ಅಂದಿನ ಸರಕಾರದ ವಿರುದ್ಧ ನಿರಂತರವಾಗಿ ಚಾಟಿ ಬೀಸಿದ್ದರು ಎಂದು ಹೇಳಿದ್ದಾರೆ. ಅದರಿಂದಾಗಿ 2013ರಲ್ಲಿ ಕಾಂಗ್ರೆಸ್‌ ಅಧಿಕಾರಕ್ಕೆ ಬರಲು ಸಾಧ್ಯವಾಗಿತ್ತು. ಹಾಗಾಗಿ ಹಾಲಿ ಸರಕಾರವೂ ಸಿದ್ದರಾಮಯ್ಯ ಅವರನ್ನು ಸುಲಭವಾಗಿ ತೆಗೆದುಕೊಳ್ಳುವಂತಿಲ್ಲ. ‘ಛಾಯಾ ಸಿಎಂ’ ಎನಿಸಿಕೊಳ್ಳುವ ಪ್ರತಿಪಕ್ಷದ ನಾಯಕನ ಸ್ಥಾನವನ್ನು ಸಿದ್ದರಾಮಯ್ಯ ವಹಿಸಿಕೊಳ್ಳುವುದರಲ್ಲಿ ರಾಜ್ಯದ ಹಿತವನ್ನೂ ಲಕ್ಷಿಸಬಹುದು. ಯಾಕೆಂದರೆ ಸರಕಾರದ ಲೋಪದೋಷ ತಿದ್ದಲು ವಿರೋಧಿ ಪಾಳಯದಲ್ಲಿ ಸಮರ್ಥರು ಇರಬೇಕಾಗುತ್ತದೆ.

ಅಂತಹ ಛಾತಿ ಸಿದ್ದರಾಮಯ್ಯ ಅವರಲ್ಲಿದೆ. ಸಿದ್ದರಾಮಯ್ಯ ಅವರ ಸುದೀರ್ಘ ಸಂಸದೀಯ ಅನುಭವದ ಹಿನ್ನೆಲೆಯಲ್ಲೂ ಈ ನೇಮಕವನ್ನು ನೋಡಬೇಕು. ಶಾಸನ ಸಭೆಯ ಹಿರಿಯ ಸದಸ್ಯರಲ್ಲೊಬ್ಬರಾದ ಸಿದ್ದರಾಮಯ್ಯ ಸಿಎಂ, ಡಿಸಿಎಂ, ಪ್ರತಿಪಕ್ಷದ ನಾಯಕ ಸೇರಿ ಅಧಿಕಾರದ ಹಲವು ಮಜಲುಗಳನ್ನು ಕಂಡಿದ್ದಾರೆ. ಆಡಳಿತದ ಬಗ್ಗೆ ಕರಾರುವಾಕ್ಕಾಗಿ ಮಾರ್ಗದರ್ಶನ ಮಾಡುವ ಹಿರಿತನ ಅವರದ್ದಾಗಿದೆ. ಈ ದೃಷ್ಟಿಯಿಂದಲೂ ಸರಕಾರ ಸಿದ್ದರಾಮಯ್ಯ ಅವರಿಂದ ಸಲಹೆ, ಸೂಚನೆ ಅಪೇಕ್ಷಿಸಬಹುದು. ಸರಕಾರ ಜನವಿರೋಧಿ ನೀತಿ ತಳೆದಾಗ ಮುಲಾಜಿಲ್ಲದೇ ಪ್ರತಿಭಟಿಸುವ ದಾಷ್ಟ್ರ್ಯ ಸಿದ್ದರಾಮಯ್ಯ ಅವರಿಗಿದೆ. ಅವರ ಜಾಗದಲ್ಲಿ ಕಾಂಗ್ರೆಸ್‌ನ ಇನ್ನಿತರ ಆಕಾಂಕ್ಷಿಗಳು ಇದ್ದಿದ್ದರೆ ಸ್ವಭಾವತಃ ಸೌಮ್ಯರಾದ ಅಂಥವರು ಸರಕಾರಕ್ಕೆ ಸವಾಲು ಹಾಕುವುದು ತುಸು ಕಷ್ಟವೇ ಆಗುತ್ತಿತ್ತು.

ಈಗಿನ ಸನ್ನಿವೇಶದಲ್ಲಿ ಸಿದ್ದರಾಮಯ್ಯ ಅವರಂತಹ ಖಡಕ್‌ ನಾಯಕನೇ ಸೂಕ್ತವೆಂಬ ಅಭಿಪ್ರಾಯ ಜನರ ಮನಸ್ಸಿನಲ್ಲೂಇದೆ. ಸಿದ್ದರಾಮಯ್ಯ ಅವರನ್ನೇ ಪ್ರತಿಪಕ್ಷದ ನಾಯಕರಾಗಿ ನಿಯುಕ್ತಿಗೊಳಿಸಿದ್ದರಿಂದ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರಕ್ಕೂ ಸಂದೇಶ ರವಾನಿಸಿದಂತಾಗಿದೆ. ಮುಖ್ಯಮಂತ್ರಿಯಾಗಿದ್ದಾಗ ಹಾಗೂ ವಿಧಾನಸಭೆ, ಲೋಕಸಭೆ ಚುನಾವಣೆ ಸಂದರ್ಭದಲ್ಲಿ ಮೋದಿ-ಅಮಿತ್‌ ಶಾ ವಿರುದ್ಧ ಸಿದ್ದರಾಮಯ್ಯ ಬಿಡುಬೀಸು ವಾಗ್ದಾಳಿ ನಡೆಸಿದ್ದರು. ನೆಲ, ಜಲ ಮುಂತಾದ ವಿಷಯದಲ್ಲಿ ರಾಜ್ಯಕ್ಕೆ ಅನ್ಯಾಯವಾದಾಗ ಸಿದ್ದರಾಮಯ್ಯ ಅವರೇ ಮುಂದೆ ನಿಂತು ಪ್ರತಿರೋಧ ಒಡ್ಡಿದ್ದರು.

ಈಗಲೂ ಪ್ರವಾಹ ಪರಿಹಾರಕ್ಕೆ ಕೇಂದ್ರದಿಂದ ಹೆಚ್ಚಿನ ನೆರವಿಗಾಗಿ ಎದುರು ನೋಡಲಾಗುತ್ತಿದೆ. 1,200 ಕೋಟಿ ರೂ. ಮಧ್ಯಂತರ ಪರಿಹಾರ ಬಂದರೂ ಅದು ಸಾಕಾಗುವುದಿಲ್ಲ. ರಾಜ್ಯದ ಮುಖ್ಯಮಂತ್ರಿ ಭೇಟಿಗೆ ಪ್ರಧಾನಿ ನಿರಾಕರಿಸುತ್ತಿದ್ದಾರೆ ಎಂಬ ಆಪಾದನೆಯೂ ಇದೆ. ಇಂಥ ಸ್ಥಿತಿಯಲ್ಲಿಸಿದ್ದರಾಮಯ್ಯ ಪ್ರತಿಪಕ್ಷದ ನಾಯಕರಾದದ್ದರಿಂದ ಪರೋಕ್ಷವಾಗಿ ರಾಜ್ಯಕ್ಕೆ ಅನುಕೂಲ.