ಇದೀಗ ಬಂದ ಸುದ್ದಿ:ಚೀನಾ ಮುಚ್ಚಿಟ್ಟ ಗುಟ್ಟು ಬಯಲು ಗಲ್ವಾನ್‌ನಲ್ಲಿ ಸತ್ತ ಸೈನಿಕರನ್ನು ಗುಪ್ತವಾಗಿ ಮಣ್ಣು ಮಾಡಿದ ಚೀನಾ.ಇದನ್ನು ಬಯಲು ಮಾಡಿದ್ದು ಯಾರು ಗೊತ್ತಾ

ಗಲ್ವಾನ್ ವ್ಯಾಲಿಯಲ್ಲಿ ತಾನು ಮಾಡಿದ ಮಹಾಪರಾಧವನ್ನು ಮುಚ್ಚಿ ಹಾಕಲು, ಸತ್ತ ಸೈನಿಕರ ಅಂತ್ಯಸಂಸ್ಕಾರವನ್ನು ಬಹಿರಂಗವಾಗಿ ಮಾಡದಂತೆ ಕುಟುಂಬಸ್ಥರಿಗೆ ಚೀನಾ ತಾಕೀತು ಮಾಡಿದೆ ಎಂದು ಅಮೆರಿಕ ಗುಪ್ತಚರ ವರದಿ ಹೇಳಿದೆ. ಆದರೆ ಚೀನಾ ಈ ಆರೋಪವನ್ನು ತಳ್ಳಿ ಹಾಕಿದೆ.
ವಾಷಿಂಗ್ಟನ್: ಲಡಾಖ್ ಗಡಿಯ ಗಲ್ವಾನ್ ವ್ಯಾಲಿಯಲ್ಲಿ ಸಂಭವಿಸಿದ ಭಾರತ-ಚೀನಾ ಸೈನಿಕರ ಹಿಂಸಾತ್ಮಕ ಘರ್ಷಣೆಯಲ್ಲಿ, ಚೀನಾದ ಎಷ್ಟು ಸೈನಿಕರು ಅಸುನೀಗಿದ್ದಾರೆ ಎಂಬ ಅಂಕಿಅಂಶ ಇದುವರೆಗೂ ತಿಳಿದಿಲ್ಲ.
ಈ ಕುರಿತು ಚೀನಾ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಆದರೆ ಹಿಂಸಾತ್ಮಕ ಘರ್ಷಣೆಯಲ್ಲಿ ಓರ್ವ ಕರ್ನಲ್ ಸೇರಿದಂತೆ ಚೀನಾದ ಸುಮಾರು 45 ಸೈನಿಕರು ಸಾವನ್ನಪ್ಪಿದ್ದಾರೆ ಎಂದು ಭಾರತೀಯ ಸೇನೆ ಹೇಳಿದೆ.
ಆದರೆ ಚೀನಾ ತಾನು ಕಳೆದುಕೊಂಡ ಸೈನಿಕರ ಸಂಖ್ಯೆ ಎಷ್ಟು ಎಂಬುದನ್ನು ಹೇಳುತ್ತಿಲ್ಲ. ಭಾರತಕ್ಕಿಂತಲೂ ಅಧಿಕ ಸೈನಿಕರು ಸಾವನ್ನಪ್ಪಿದ್ದಾರೆ ಎಂದು ಹೇಳಿದರೆ ಜಾಗತಿಕವಾಗಿ ಮುಖಭಂಗಕ್ಕೀಡಾಗಬೇಕಾಗುತ್ತದೆ ಎಂಬ ಭಯ ಚೀನಾವನ್ನು ಕಾಡುತ್ತಿದೆ.
ಈ ಮಧ್ಯೆ ಗಲ್ವಾನ್ ವ್ಯಾಲಿಯಲ್ಲಿ ತಾನು ಮಾಡಿದ ಮಹಾಪರಾಧವನ್ನು ಮುಚ್ಚಿ ಹಾಕಲು, ಸತ್ತ ತನ್ನ ಸೈನಿಕರ ಶವಗಳನ್ನು ಚೀನಾ ಗುಪ್ತವಾಗಿ ಅಂತ್ಯಸಂಸ್ಕಾರ ಮಾಡಿದೆ ಎಂಬ ಗಂಭೀರ ಆರೋಪ ಕೇಳಿ ಬಂದಿದೆ.
ಹಿಂಸಾತ್ಮಕ ಘರ್ಷಣೆಯಲ್ಲಿ ಅಸುನೀಗಿದ ತನ್ನ ಸೈನಿಕರ ಶವಗಳನ್ನು ಯಾರಿಗೂ ತಿಳಿಯದಂತೆ ಚೀನಾ ಮಣ್ಣು ಮಾಡಿದೆ ಎನ್ನಲಾಗಿದ್ದು, ಈ ಆರೋಪವನ್ನು ಚೀನಾ ನಿರಾಕರಿಸಿದೆ.
ಈ ಕುರಿತು ಮಾಹಿತಿ ನೀಡಿರುವ ಅಮೆರಿಕ ಗುಪ್ತಚರ ಇಲಾಖೆ, ಘರ್ಷಣೆಯಲ್ಲಿ ಅಸುನೀಗಿದ ಸೈನಿಕರ ಶವಸಂಸ್ಕಾರದ ಮೆರವಣಿಗೆ ನಡೆಸದಂತೆ ಕುಟುಂಬಸ್ಥರ ಮೇಲೆ ಒತ್ತಡ ಹೇರಲಾಗಿದೆ ಎಂದು ಹೇಳಿದೆ.
ಸತ್ತ ಸೈನಿಕರ ಅಂತ್ಯಸಂಸ್ಕಾರವನ್ನು ಬಹಿರಂಗವಾಗಿ ನಡೆಸದಂತೆ ಸರ್ಕಾರವೇ ತಾಕೀತು ಮಾಡಿದ್ದು, ಯಾರಿಗೂ ತಿಳಿಯದಂತೆ ಮಣ್ಣು ಮಾಡಲು ಒತ್ತಡ ಹೇರಿದೆ ಎಂದು ಅಮೆರಿಕ ಗುಪ್ತಚರ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಜಾಗತಿಕ ಮುಜುಗರವನ್ನು ತಪ್ಪಿಸಿಕೊಳ್ಳಲು ತನಗಾಗಿ ಮಡಿದ ತನ್ನದೇ ಸೈನಿಕರೊಂದಿಗೆ ಚೀನಾ ಅಮಾನವೀಯವಾಗಿ ವರ್ತಿಸುತ್ತಿದೆ ಎಂಬ ಆರೋಪವನ್ನು ಚೀನಾ ಸಹಜವಾಗಿ ಅಲ್ಲಗಳೆದಿದೆ.