ನರೇಂದ್ರ ಮೋದಿಯವರು ಕಾಂಗ್ರೆಸ್ನ ಈ ಸಂಸದನನ್ನು ಹಾಡಿ ಹೊಗಳಿದ್ದಾರೆ...

ಪಶ್ಚಿಮ ಬಂಗಾಳದಿಂದ ಲೋಕಸಭೆಗೆ ಆಯ್ಕೆಯಾಗಿರುವ ಏಕೈಕ ಕಾಂಗ್ರೆಸ್ ಸಂಸದರಾಗಿರುವ ಅಧೀರ್ ರಂಜನ ಚೌಧರಿಯವರನನು ಪ್ರಧಾನಿ ನರೇಂದ್ರ ಮೋದಿ ನೈಜ ಹೋರಾಟಗಾರ ಎಂದು ಬಣ್ಣಿಸಿದ ಅಪರೂಪದ ಘಟನೆ ನಡೆದಿದೆ. ರವಿವಾರ ನೆಡೆದ ಸರ್ವಪಕ್ಷಗಳ ಸಭೆಯ ಬಳಿಕ ಚೌದರಿಯವರ ಬೆನ್ನು ತಟ್ಟಿದ ಮೋದಿ , ನಿಜಕ್ಕೂ ಹೋರಾಟಗಾರ ಎಂದು ಶ್ಲಾಘಿಸಿದ್ದಾರೆ .

ಸಭೆಯ ಮುಕ್ತಾಯದಲ್ಲಿ ಸಭಾಂಗಣದಿಂದ ಹೊರಹೋಗುವ ಸಂದರ್ಭದಲ್ಲಿ ಚೌಧರಿಯವರ ಬೆನ್ನು ತಟ್ಟಿದ ಮೋದಿ ಕಾಂಗ್ರೆಸ್ ಮುಖಂಡ ಗುಲಾಂನಬಿ ಆಜಾದ್ ಮತ್ತು ಆನಂದ್ ಶರ್ಮಾ ಅವರ ಮುಂದೆ ಇವರೊಬ್ಬ ಹೋರಾಟಗಾರ ಎಂದು ಚೌಧರಿ ಬಗ್ಗೆ ಮೆಚ್ಚುಗೆ ಮಾತುಗಳನ್ನಾಡಿದರು.ನಾನು ಮೋದಿಯವರಿಗೆ ಶುಭ ಕೋರಿದೆ , ಆಗ ಅವರು ಬೆನ್ನುತಟ್ಟಿ , ಎಲ್ಲರ ಮುಂದೆ , ಅಧೀರ್ ಒಬ್ಬ ಹೋರಾಟಗಾರ ಎಂದು ಹೊಗಳಿದರು. ನನಗೆ ಸಂತೋಷವಾಯಿತು . ಎಂದು ಅಧೀರ್ ಚೌಧರಿ ಪ್ರತಿಕ್ರಿಯಿಸಿದ್ದಾರೆ.

ನನಗೆ ಯಾರ ಬಗ್ಗೆಯೂ ವೈಯಕ್ತಿಕ ದ್ವೇಷ ಇಲ್ಲ . ನಾವು ಜನಪ್ರತಿನಿಧಿಗಳು . ಬಿಜೆಪಿಯವರು ಕೂಡ ಜನಪ್ರತಿನಿಧಿಗಳು . ನಾನು ನಮ್ಮ ಧ್ವನಿಯನ್ನು ಎತ್ತುತ್ತೇವೆ . ಅವರು ಕೂಡಾ ಮಾಡುತ್ತಾರೆ. ನಾವು ಸಂಸತ್ತಿನಲ್ಲಿ ಮಾತನಾಡಲು ಹೋಗುತ್ತೇವೆಯೇ ಇನಃ ಯುದ್ಧದಲ್ಲಿ ಹೋರಾಡುವ ಸಲುವಾಗಿ ಅಲ್ಲ ಎಂದು ಹೇಳಿದರು